Տաթևի տեսարժան վայրերը
Տաթևը Հայաստանի ամենատեսարժան վայրերից մեկն է զբոսաշրջիկների համար: Դժվար երբևէ լսած չլինեք Տաթևի մասին Google-ում որոնումներ կատարելիս: Տաթևը փոքրիկ գյուղ է, որը գտնվում է Սյունիքի մարզում՝ Երևանից 250կմ հեռավորության վրա:
Տաթևի թևեր – Ճոպանուղին գտնվում է Հալիձորի և Տաթևի վանքի միջև: Տասներկու րոպե տևող թռիչքի ժամանակ դուք կվայելեք դեպի բարձրադիր լեռներ և անհուն կիրճերի տեսարաններով 5752մ երկարությամբ երկկողմանի ճոպանուղին, որը գրանցվել է Գինեսի ռեկորդների գրքում:
Տաթևի վանք – Վանքը կառուցվել է իններորդ դարում ժայռի պռնկին: Այն դիմակայել է տարատեսակ արշավանքներ, հարձակումներ և երկրաշարժեր: Միջնադարում այն հանդիսացել է գիտության, լուսավորության կարևորագույն կենտրոն:
Տաթևի ձիթհան – Ձիթհանի օգնությամբ սերմերից արտադրվում էին սննդի, մոմերի համար տարբեր յուղեր: Տաք յուղերը նաև լցնում էին պաշարողների վրա հարձակումների ժամանակ: Ձիթհանը այժմ լիարժեքորեն վերականգնվել է և ծառայում է որպես ինտերակտիվ թանգարան:
Հարսնաձորի դիտակետ – Դիտակետից բացվող տեսարանն իրապես փառահեղ է: Բաց չթողնեք այս հնարավորությունը: Դիտակետը կառուցվել է Որոտան գետի կիրճի վերևում և կարևոր դեր է խաղացել վանական համալիրի կյանքում: Վերջինիս միջոցով տեղեկացել են թշնամու հարձակումների մասին:
Սատանի կամուրջ – Հազարավոր տարիների ընթացքում ջուրը՝ ծակելով և մաշելով լավայի ժայռերը, արարել է այս հիանալի կամուրջը: Սատանի կամուրջը տեղակայված է Որոտան գետի ամենխոր կիրճում: Ջուրը զուլալ ու գունագեղ է: Դուք կարող եք նույնիսկ կամրջի մոտակայքում գտնվող տաք աղբյուրներում լոգանք ընդունել:
Ինչպես հասնել Տաթև
Տաթև հասնելը արդեն արկած է: Երևանի Կիլիկիա ավտոբուսային կայարանից նստեք 607 կամ 611 համարի ավտոբուսները, որոնք ուղևորվում են դեպի Գորիս, որտեղից էլ հարկավոր է մեկ այլ տրասնպորտ նստել: Երևանից Գորիս ուղևորությունն արժե 2500 դրամ:
Կարող եք նստել Գորիսից Հալիձոր գյուղ տանող երթուղային տաքսին: 20 կմ տևողությամբ ուղևորության արժեքն է 700 դրամ: Դժբախտաբար Հալիձորի ծառայությունը ժամանակով չի համաձայնեցվում Երևանի հետ և ուրեմն ստիպված եք լինելու Գորիսում երկար սպասել, որպեսզի օգտվեք տեղական տաքսիներից դեպի Հալիձոր: Միակողմանի ուղևորությունն արժե մոտավորապես 2000 դրամ:
Հալիձորում է գտնվում Տաթևի թևեր ճոպանուղու ներքևի կայարանը: Սա ուղևորության ամենահետաքրքիր մասն է: Վերադարձի տոմսն արժե 7000 դրամ, որը անխոս արժե վճարել այս ցնցող թռիչքի համար: Մինչև 110 սմ հասակ ունեցող երեխաների տոմսը ընդամենը 100 դրամ է:
Գնել տոմսեր օնլայն:
Ուղևորությունըը երթուղային տաքսիով, տաքսիով և ճոպանուղին միասին կարժենան 16000 դրամ: Եթե երկու հոգով եք ճանապարհորդում և կիսում եք տաքսիի վճարը, ապա ավելի մատչելի կլինի արժեքը: