Թբիլիսիի տեսարժան վայրերը

Ճանապարհորդները Թբիլիսին անվանում են «Կովկասի Պրագա» իր ժամանցային կենտրոնների համար: Հին քաղաքը, եկեղեցիները, թանգարանները, սնունդը, խմիչքները, ակումբային կյանքը, բնությունը և լավ հասարակական տրանսպորտը Թբիլիսին դարձնում են զբոսաշրջության տարածաշրջանի առաջատարը:

Դուք կարող եք զբոսնել Հին քաղաքով, որը վերջին տարիներին վերանորոգումների է ենթարկվել: Այնտեղ դուք կգտնեք շատ գինետներ, խինկալիի ռեստորաններ, արվեստի խանութներ, բարեր և ակումբներ, որտեղ կարող եք լսել հաուս, տեխնո, D&B ոճի երաժշտություն:

Ծծումբի լոգանքները հայտնի են հատկապես ցուրտ ամիսներին: Այնտեղ կան նաև շատ լճեր: Թբիլիսյան ծովը կատարյալ վայր է լողալու և արևայրուք ստանալու համար: Կրիայի լիճը, որը գտնվում է քաղաքի ամենավերևում հիանալի հանդիպման վայր է ընկերների համար:

Թբիլիսիում նաև կան շատ ժամանակակից ճարտարապետության շինություններ: Նոր գրասենյակների և շոփինգ կենտրոնների աճող քանակը փոփոխություն է մտցնում Թբիլիսիի արտաքին տեսքում: Անմիջապես Հին քաղաքին մոտ է գտնվում հայտնի Խաղաղության կամուրջը, որն անցնում է Քուռ գետի վրայով: Կամուրջի ճարտարապետն է իտալացի Միշել դե Լուչին: Բացումը եղել է 2010թ.:

Քաղաքում է գտնվում հարավային Կովկասի ամենամեծ ուղղափառ տաճարը, որը նաև հանդիսանում է աշխարհի երրորդ ամենամեծ տաճարը: Այն կոչվում է Թբիլիսիի Սուրբ Երրորդության տաճար: Տեսնել ավելի Թբիլիսիի տեսարժան վայրերը (На русском):

Երևան-Թբիլիսի

Դուք կարող եք ճանապարհորդել Երևանից Թբիլիսի երթուղային տաքսիով կամ գնացքով: Երթուղային տաքսիները ավելի էժան են և արագ, իսկ գնացքները ավելի հարմարավետ են: Երթուղային տաքսիները մեկնում են Կիլիկիա ավտոբուսային կայարանից ամեն օր՝ սկսած ժամը 8:30: Խորհուրդ ենք տալիս ամրագրել նախապես: Երթուղային տաքսիների ուղեվարձը արժե 6000 դրամ: Ավտոբուսի ուղևորությունը 6 ժամից ավել է տևում: Հայ-վրացական սահմանն անցնելը խնդիր չի ներկայացնում և տևում է մոտավորապես մեկ ժամ: Երթուղայինները ժամանում են Հավլաբարի մետրոյի կայարան:

Գնացքները միայն գիշերն են գործում, իսկ ուղևորությունը տևում է 10 ժամ, որը իրոք առավելություն է: Դուք կարող եք վայելել երկար գիշերային քուն վագոնի մեծ քնելատեղերում: Տոմսերը կարող եք գնել Կենտրոնական երկաթուղային կայարանից մեկնելուց 30 րոպե առաջ: Գնացքի տոմսերի գինը կախված է դասից, առաջին դասի տոմսն արժե 9330 դրամ, երկրորդ դասի տոմսը՝ 14.300 դրամ, իսկ առաջին դասի գինը՝ 19.700 դրամ: Սովետական ժամանակաշրջանի գնացքի վագոնները բավականին ընդարձակ են, սակայն խցիկները այդքան էլ մաքուր չեն և սպասարկում չկա: Ձեզ հետ կարող եք վերցնել շշով ջուր և թեթև ուտելիքներ: