Ինչպե՞ս գտնել երթը:

Այցելեք «Երթի պլանավորում» բաժինը, լրացրեք դաշտերը, թե որտեղից ուր եք ցանկանում ուղևորվել, սեղմեք «Փնտրել» կոճակը: Արդյունքը կտեսնեք ակնթարթորեն:

Ինչպե՞ս գտնել կանգառը:

Սեղմեք որոնման արդյուքների վրա մանրամասները տեսնելու համար: Արդյունքում կբացվի պատուհան, որտեղ կտեսնեք քարտեզը, կանգառները, ուղևորափոխադրումն իրականացնող ընկերության անունն ու կանգառներում սպասելու ժամանակը: Սեղմելով էկրանի վերևի աջ անկյունում գտնվող X կոճակը, կվերադառնաք որոնման արդյունքներին:

Արդյո՞ք կանգառները ճշտգրիտ են:

Որոնման արդյունքների քարտեզում դուք կտեսնեք կանգառը և երթը, որը ցույց է տալիս երթուղին և ուղղությունը: Նաև կան երկու կանգառի նշաններ, որոնցից մեկը ցույց է տալիս Ձեր ուղղության կանգառի ճշտգրիտ վայրը, իսկ մյուսը՝ ետադարձ ուղղության կանգառը:

Ինչպես գտնել քաղաքները:

Որոնման պատուհանում գրեք այն քաղաքի անունը, որտեղից պատրաստվում եք մեկնել և ընտրեք որոնման պատուհանում առաջարկվող տարբերակներից որևէ մեկը: Կատարեք նույնը նաև այն քաղաքը ընտրելու համար, ուր պատրաստվում եք մեկնել: Ընտրեք մեկնելու օրն ու ժամը:

Կարելի՞ է արդյոք գտնել կանգառների միջև երթուղին:

Այո, դուք կարող եք ընտրել կոնկրետ ավտոբուս կամ կանգառ: Մուտքագրեք տեղանունը որոնման պատուհանում: Դա կարող է լինել փողոցի, ձեր սիրելի սրճարանի կամ մոլի անվանումը և ձեզ կցուցադրվի մոտակա կանգառների քարտեզը: Ընտրեք այն կանգառը, ուր պատրաստվում եք ուղևորվել կամ էլ որտեղից պատրաստվում եք մեկնել:

Որոնման արդյունքները բացակայում են: Ի՞նչ կարելի է անել:

Եթե ցուցադրվում է, որ երկու քաղաքների միջև երթուղի չկա, խուճապի մի մատնվեք: Համոզվեք, որ «Միայն ուղիղ երթուղի» տարբերակը ընտրված չէ: Փորձեք այդ վայրերի անվանումների այլ համադրություն: Լավագույն տարբերակը քաղաքից քաղաք որոնման ընտրությունն է, ինչպես նկարագրված է վերևում:

Ինչպե՞ս կարող եմ տոմս գնել:

  • Երևան քաղաքի քաղաքային տրանսպորտ - Վճարեք վարորդին ուղևորության գումարը ավտոբուսից կամ տրոլեյբուսից իջնելուց առաջ: Օգտագործեք առջևի դուռը դուրս գալու համար:
  • Միջքաղաքային ավտոբուսներ - Տոմսը կա՛մ գնեք վարորդից, կա՛մ մեկնումից մեկ օր առաջ ավտոկայարաններում գտնվող փոխադրող կազմակերպությունից կամ տուրիստական գործակալությունից:
  • Գնացքներ - Կարող եք տոմս գնել երկաթուղային կայարանում ուղևորությունից առաջ: Միջազգային երթերի համար խորհուրդ ենք տալիս տոմսերը գնել մի քանի օր առաջ:
  • Ճոպանուղի - Տոմսերը վաճառվում են տեղում: Նախապես տոմս գնելու կարիք չկա:

Ես գոհ չեմ տրանսպորտային ծառայությունից, որտե՞ղ կարող եմ հայտնել իմ դժգոհությունը:

Transport for Armenia-ն անկախ տեղեկատվական ծառայություն է: Մենք սիրում ենք հասարակական տրանսպորտը և խթանում ենք այն՝ որպես տրանսպորտի լավագույն միջոց: Սակայն մենք չենք մատուցում որևէ հասարակական տրանսպորտի ծառայություն, և սա որևէ ուղևորափոխադրող ընկերութան պաշտոնական կայք չէ: Հետևաբար կարող եք հայտնել ձեր դժգոհությունը համապատասխան գործակալություններին: Կոնտակտային տվյալները կգտնեք ուղևորության նկարագրի որոնման արդյունքներում:

Ինչպիսի՞ն են միջքաղաքային ավտոբուսները: Արդյո՞ք կան զուգարաններ, խմիչքներ, խորտիկներ:

Որևէ ստանդարտ չի գործում, դա կախված է Ձեր ընտրած ավտոբուսից և այն սպասարկող ընկերությունից: Ավտոբուսների մեծ մասը չունեն զուգարաններ, հետևաբար յուրաքանչյուր երթի ժամանակ կան նախատեսված կանգառներ: Սովորաբար չկան վարդակներ, ինտերնետ կապ և սպասարկում:

Երթուղային տաքսիների մեկնելու ժամերը ֆիքսվա՞ծ են:

Ծայրամասերը սպասարկող երթուղային տաքսիների մեծամասնությունը ունի ֆիքսված ժամանակացույց, որը դժբախտաբար ոչ միշտ է կարելի ապահովել: Երբեմն վարորդները այնքան են սպասում ուղևորներին, մինչև փոխադրամիջոցի դատարկ նստելատեղերը լրանում են:

Արդյոք ցուցադրվում են հասարակական տրանսպորտի բոլոր ծառայութունները:

  • Մենք օգտվում ենք Հայաստանի Հանրապետության Կառավարության և վստահելի մասնավոր գործակալությունների կողմից հասարակական տրանսպորտի վերաբերյալ տրամադրած տեղեկատվությունից:
  • Մենք դեռ ամբողջովին չենք ցուցադրում երթուղիները: Կարող եք օգտվել ուղևորության պլանավորման համակարգից Հայաստանի գլխավոր քաղաքների միջև երթուղիների, Երևանի հասարակական տրանսպորտի և դեպի Ռուսաստան, Վրաստան և Իրան միջազգային ծառայություններից օգտվելու համար:
  • Կառավարական փաստաթղթերում սպասարկման վերաբերյալ արձանագրություն չկա: Դա կարող է անօրինական լինել: Մենք հորդորում ենք չլիցենզավորված ծառայություններից զերծ մնալ:
  • Սպասարկումը չունի ֆիքսված ժամանակացույց: Ուղևորությունը հնարավոր է դառնում միայն այն դեպքում, երբ բավարար քանակությամբ ուղևորներ նախապես ամրագրում են իրենց տեղերը:
  • Գործակալությունը մեզ տեղեկատվություն չի տրամադրել: Որոշ ընկերություններ աչքի են ընկնում հաճախորդների վատ սպասարկմամբ և էլ. նամակներին ու հեռախոսազանգերը անպատասխան են մնում:

Օգնեք մեզ կատարելագործվել

Եթե կարծում եք, որ սխալներ են առկա մեր կայքում, խնդրում ենք կապ հաստատել մեզ հետ՝ օգտվելով յուրաքանչյուր էջի ներքևում առկա հետադարձ կապի նմուշից: