Ավտոմեքենաներ, ավտոմեքենաներ

Խնդիրը բնորոշ է ողջ աշխարհին, և Երևանը բացառություն չէ: Մենք աստիճանաբար կորցնում ենք հանրային տարածքները և առողջ շրջակա միջավայրը: Ավտոմեքենաներն ամենուր են: Յուրաքանչյուր փողոցում դուք կարող եք տեսնել, թե ինչպես են ավտոմեքենաները զբաղեցնում մեծ տարածքներ և մայթեր, ինչպես են աղտոտում օդը և աղմկում: Կհամաձայնվեք, որ ավտոմեքենան շրջագայելու համար շատ հարմար տարբերակ է, այն մեզ տալիս է փոխադրվելու ազատություն, ապրանքները մեկ վայրից մյուսը տեղափոխելու կամ էլ հեռավոր վայրեր մեկնելու հնարավորություն: Անշուշտ, այս ամենը լավ է, սակայն միայն ավտոմեքենաների համար ճանապարհներ կառուցելը չպետք է հանդիսանա տրանսպորտային ինֆրաստրուկտուրայի զարգացման միակ ուղին: 

Ճանապարհների ծանրաբեռնվածություն

Ավտոբուսները կարող են տեղափոխել մինչև 170 ուղևոր, իսկ ավտոմեքենաների ճիշտ նույն քանակությամբ ուղևորները իրենց մեքենաներով առաջացնում են խցանումներ: Բոլոր այն քաղաքներում, որտեղ երթևեկությունը բավականի հագեցած է, հանրային տրանսպորտը հանդիսանում է լավագույն ելք քայլելուց և հեծանվավազքից հետո: Համաձայն փորձագետների՝ նոր ճանապարհների կառուցումը կարող է էլ ավելի մեծացնել երթևեկության գերծանրաբեռնվածությունը: Որպես օրինակ կարող են ծառայել մեծ քաղաքները: Երբ պետությունները կառուցում են 12 երթևեկելի գոտիներով, վերգետնյա ճանապարհներով սուպեր մայրուղիներ, դա միայն ժամանակավոր լուծում է: Մի քանի տարի հետո կրկին փողոցները ծանրաբեռնվում են, նույնիսկ՝ ավելի շատ քան նախկինում: Այնուամենայնիվ, փորձագետները կարծում են, որ առկա ճանապարհների փակումը կարող է նվազեցնել երթևեկության գերծանրաբեռնվածությունը:

Տնտեսության բացասական ազդեցությունը

Ըստ ԵՄ տնտեսագետների՝ յուրաքանչյուր տարի ճանապարհային երթևեկության պատճառով օդի աղտոտվածությունից առաջացած առողջական խնդիրների ծախսերը հասնում են միլիարդավոր եվրոների: Մեր հասարակությունը շատ մեծ գին է վճարում ավտոմեքենաների պատճառով: Օդի աղտոտվածությունը կարող է առաջացնել քաղցկեղ և շնչառական հիվանդություններ: Փողոցների աղմուկը մեծացնում է սթրեսի մակարդակը և բացասական է անդրադառնում ձեր հոգեկան առողջության վրա: Հարկավոր է նշել, որ ուղևորության արագությունը դանդաղում է ճանապարհներին փոխադրամիջոցների քանակի մեծացման հետ զուգահեռ: Հետևաբար մենք ավելի շատ ժամանակ ենք անցկացնում տանից աշխատավայր և աշխատավայրից տուն ճանապարհին:

Ո՞րն է ելքը

Այո, մենք հնարավորություն ունենք օգտվելու երթևեկության բազմաթիվ այլ եղանակներից, որոնցից յուրաքանչյուրը ունի իր դրական և բացասական կողմերը: Ողջ աշխարհի փորձագետները ստեղծել են առաջնահերթության սանդղակ, որտեղ քայլելը և հեծանվավազքը գրավում են սանդղակի առաջնային տեղերը:

Walk

1. Մեր ոտքերը

Քայլելը մարզվելու ամենապարզ եղանակն է: Դուք կարող եք քայլել գրեթե ամենուր և անվճար: Քայլելը մեզ ֆիզիկապես և հոգեպես առողջ է դարձնում: Այն ավելին է քան Ա կետից Բ կետ տեղաշարժվելը: Քայլելը արտակարգ է ժամադրության, ընկերների հետ հանդիպումների, ինչպես նաև շոփինգ կատարելու համար: Լավ քաղաքները հագեցած են ընդարձակ մայթերով և մեծ կայանատեղիներով, որտեղ միայն հաճույք է նմանատիպ գործունեություն ծավալելը:

Bicycle

2. Հեծանիվ

Իսկ դուք գիտեի՞ք, որ տնից աշխատավայր ընկած տարածությունը կազմում է միջինը 5կմ: Հեծանիվով հասնելու դեպքում կպահանջվի ընդամենը 20 րոպե: Որքան քիչ է անհրաժեշտ մարզված և առողջ լինելու համար:

Scooter

3. Էլեկտրական հեծանիվներ, սկուտերներ

Երբեմն մենք օգնության անհրաժեշտություն ունենք: Դժվար թե բոլորը ցանկանային ամեն օր հեծանիվով բլուրներ մագլցելով քրտնած աշխատավայր հասնել: Էլեկտրական հեծանիվները և սկուտերները մատչելի և էկոլոգիայի համար անվտանգ այլընտրանք կարող են հանդիսանալ հեծանիվներին:

Tram

4. Գնացք, մետրո, տրամվայ

Երկաթուղային տրանսպորտը ամենաարդյունավետ տարբերակն է, որը կարելի է կիրառել հագեցած երթևեկության դեպքում: Ժամանակակից համակարգերը արագընթաց են, ապահով, հարմարավետ և արդյունավետ: Իսկ դուք գիտեի՞ք, որ տրամվայների ուղևորների քանակը ժամում կարող է հասնել մոտավորապես 10.000-ի: Դա շատ ավելի մեծ թիվ է, քան Երևանի մետրոյի ուղևորների առկա քանակը:

Bus

5. Ավտոբուս, տրոլեյբուս

Ավտոբուսները ավելի լավ այլընտրանք են մարդկանց իրենց տուն կամ աշխատավայր փոխադրելու համար, քան երկաթուղային փոխադրամիջոցները: Տրոլեյբուսները չեն աղտոտում օդը՝ շնորհիվ էլեկտրական շարժիչի և ավելի լավ են գործում անհարթ ճանապարհներին: Ողևորության ընթացքում ուղևորները կարող են հանգստանալ, նորություններ կարդալ և նույնիսկ քնել:

Taxi

6. Տաքսի

Երբ անհրաժեշտություն է առաջանում ճանապարհորդել այնպիսի վայրեր, որտեղ հանրային տրանսպորտը չի սպասարկվում կամ ուշ ժամերին, ապա տաքսիները լավ տարբերակ կարող են լինել:

Car

7. Սեփական ավտոմեքենա

Ավտոմեքենաները հիանալի այլընտրանք են ընտանեկան ուղևորությունների, ծանր բեռների փոխադրման, ավելի քիչ բնակեցված վայրեր առանց հանրային տրանսպորտի ուղևորվելու, երկարատև ուղևորությունների և արտակարգ իրավիճակների դեպքում: Ամեն օր ավտոմեքենայով երթևեկելը ամենաթանկարժեք և ժամանակատար եղանակն է: Այնպիսի լավ տրանսպորտային կառավարմամբ հայտնի քաղաքներում, ինչպիսիք են Կոպենհագենն ու Վիեննան, շատերը նախընտրում են երթևեկել հանրային տրանսպորտով, այլ ոչ թե սեփական ավտոմեքենաներով:

Երևանի պատմությունը

Երևանի տրանսպորտային համակարգ կատարված ներդրումները, ցավոք, սահմանափակվել են միայն ճանապարհային շինարարությամբ: Մեր ճանապարհները դժբախտաբար նախագծված չեն տարատեսակ տրանսպորտային միջոցների համար և առողջ շրջակա միջավայր ապահովելու համար: Չկան ավտոբուսների, հեծանիվների, միայն հետիոտների համար նախատեսված գոտիներ և ընդարձակ կայանատեղիներ: Փոխարենը ավտոմեքենաները կարող են մուտք գործել ամենուր, զբաղեցնում են մայթերը, իսկ մեր այգիները վերածվել են ռեստորաններով լի բետոնե ջունգլիների: «Միայն ավտոմեքենաները կարող են կայանել» ցուցանակի քաղաքականությունը նման է ամեն օր քաղցր ժելե կոնֆետներ ուտելուն: Հուսով ենք, որ ապագայում փոփոխություններ կլինեն Yerevan Ride և Mimo Bike նախաձեռնությունների հետ միասին: Երևանը կարիք ունի տրանսպորտային ժամանակակից քաղաքականության, և միգուցե այժմ մենք ականատես ենք, թե ինչպես է այն ծիլեր արձակում: